सरकारले पैसा थपिदिने आसमा बैंक खाता खोल्न वृद्धवृद्धा लाइनमा ! (तस्बिर) « Nagarik Khabar

सरकारले पैसा थपिदिने आसमा बैंक खाता खोल्न वृद्धवृद्धा लाइनमा ! (तस्बिर)



बिहीबार बिहान १० नबज्दै चित्र कुमारी मिश्र हतारहतारमा काठमाडौको मिनभवनस्थित यातायात व्यवस्था विभागको कार्यालय अगाडी आइपुग्छिन् । ७२ वर्षीया मिश्र प्रफुल्ल मुद्रामा छन् । तर उनलाई बैंक खाता खोल्ने प्रकृयाबारे खासै जानकारी रहेनछ ।

ratopati-300x30

त्यहि भएर उनले नजिकै रहेकी एक युवतीलाई कौतुहलतापूर्वक सोधिन्, ‘बैंकले खाता खोलिदिने भनेको छ । खातामा सय रुपैयाँ पनि जम्मा गरिदिन्छ रे । अनि सरकारले पैसा पनि बैंकमा पठाउँछ भन्ने सुनेको हो । तर मैले खासै मेसो पाएकी छैन, के हो नानी राम्रै त होलानी भन्दिनुपर्यो ।’

८ वर्षदेखि मिनभवनमा ज्येष्ठ नागरीक संघर्ष समितिको हरेक संघर्षका कार्यक्रममा सहभागी हुँदै आएकी उनको सहभागीता बिहीबार भने अलि पृथक देखिन्थ्यो । राष्ट्रिय बाणिज्य बैंकले खाता खोलिदिने  थाहा पाएपछि उनी हस्याङ फस्याङ गर्दै आएकी मिनभवन पुगेकी रहिछन् ।

तर उनलाई खाता किन खोल्न लागिएको थाहा छैन । सरकारले त्यही खातामा पैसा पठाउँछ भन्ने सुनेर पैसा सहजै पाउने आशाले बैंक खाता खोल्न आएको उनीसँगको कुराकानीबाट प्रस्टै बुझ्न सकिन्थ्यो ।

उनी मात्र होइन, बैंकमा पैसा आउने लोभले जोरपाटीदेखि लालुप्रसाद चौलागाई पनि बैकको खाता खोल्न बिहीबार मिनभवन आइपुगे । उनको हालसम्म कुनै बैंक खाता छैन । खाता खोले सरकारले बृद्धबृद्धालाई पैसा राखिदिन्छ भन्ने उनको पनि सोच बुझाई थियो ।

यसअघि  नै राष्ट्रिय बाणिज्य बैंकमा खाता खोलेकी शारदा पन्त पनि लोकन्थलीदेखि खाता खोल्न मीनभवन आइपुगिन् । श्रीमानको पेन्सन राष्ट्रिय वाणिज्य बैंकमा आउँछ उनको । घरपरिवार सम्पन्न छ । तर पनि सरकारी पैसाको लोभ त उनलाई पनि छ ।

 

प्रतिक्रिया दिनुहोस्

%d bloggers like this: