श्रमिकको सम्मान गर्न मन्त्री यादवको आग्रह « Nagarik Khabar

श्रमिकको सम्मान गर्न मन्त्री यादवको आग्रह



काठमाडौं, ८ वैशाख । उद्योग, वाणिज्य तथा आपूर्तिमन्त्री मातृकाप्रसाद यादवले उद्योगीहरुलाई श्रमिकहरुको श्रमको सम्मान गर्न आग्रह गरेका छन्। मन्त्री यादवले श्रमिकहरुको श्रमको बलमा मालिक बन्न पाएका उद्योगीहरुले उनीहरुको पारिश्रमिक वृद्धि गरे मात्रै आफ्नो उद्योगको उत्पादनमा वृद्धि हुन्छ भन्ने सच्याईलाई भुल्न नहुने भन्दै सो आग्रह गरेका हुन् ।

नेपाल पश्मिना उद्योग संघको १८ औं वार्षिक साधारण सभालाई ललितपुरमा उद्घाटन गर्दै उनले उद्योगको उत्पादन बढाउनका लागि पनि उद्योगीहरुले श्रमिकहरुको श्रमको सम्मान र माया दुवै गर्नु पर्ने बताएका हुन। उद्योगीहरुले श्रम र श्रमिक दुवैलाई माया गर्नुस,उद्योग चलाउनुस नाफा कमाउनुस र श्रमिकलाई समेत सम्मान गर्नुस’,मन्त्री यादवले भने।

मन्त्री यादवले नेपालको पश्मिना व्यवसाय ओरालो लाग्दै गएपनि सो समस्या समाधानका लागि पश्मिना उद्योगहरुले सरकारसँग परामर्श समेत गर्न नचाहेको गुनासो पनि गरेका छन्। विश्व बजारमा नेपाली पश्मिनाको पहिचान रहेको उल्लेख गर्दै त्यसको प्रवद्र्धनका लागि सरकार उद्योगीहरुसँग सहकार्य गरेर अघि बढन प्रतिवद्ध रहेको मन्त्री यादवको भनाई छ।

मन्त्री यादवले निजी क्षेत्रले उद्योगको प्रवद्र्धनका लागि सरकारसँग सहकार्य गरेर अघि बढनुपर्ने आवश्यक्ता पनि औंल्याएका छन्।

प्रतिक्रिया दिनुहोस्

%d bloggers like this: