अन्नपूर्ण हिमाल आरोहणका क्रममा अलपत्र परेकाको सकुशल उद्धार « Nagarik Khabar

अन्नपूर्ण हिमाल आरोहणका क्रममा अलपत्र परेकाको सकुशल उद्धार



पोखरा । गत मंगलबार अन्नपूर्ण प्रथम (८०९१ मिटर) आरोहण गरेर फर्कने क्रममा मलेसियाका ४८ वर्षीय आरोही वुई किन चिन समूहबाट छुटे। निर्धाति समयमा तोकिएको गन्तव्यमा नफर्केपछि बल्ल उनी छुटेको थाहा भयो। अनि उद्धारको प्रयास भए पनि तत्काल सम्भव भएन। निर्धारित समयमा चिन तोकिएको गन्तव्यमा नआएपछि साथमा गएका अरु आरोहीसहितको टोली फर्कियो । यो समाचार नागरिक दैनिकले पहिलो पृष्ठ १ मा प्रकासित गरेको छ ।

साथमा गएको टोलीका सबै आरोही सदस्य र सहयोगी शेर्पाहरु बुधबार नै फर्किसक्दा पनि चिन नफर्किएपछि परिवारका सदस्यलाई चस्को पस्यो। अनि मलेसियामा रहेकी चिनकी श्रीमतीले हराएका पतिबारे पदयात्रा बिमा गरेको ‘ग्लोबल इन्सुरेन्स इन्टरनेसनल’ लाई उद्धार र खोजीका लागि गुहारिन्। त्यहाँबाट पनि पार लाग्ने अवस्था नआएपछि उनले सिम्रिक एयरलाइन्सलाई खोजिदिन आग्रह गरिन्।

सिम्रिकको हेलिकोप्टर उडाएका क्याप्टेन सिद्धार्थजंग गुरुङले बिहीबार बिहान अन्नपूर्ण प्रथमको झन्डै ७५ सय मिटर उचाइमा चिनले हात हल्लाइरहेको देखे। त्यसपछि उनलाई उद्धार प्रयास थालिए पनि बढी उचाइमा रहेकाले तत्काल सम्भव नभएको गुरुङले जानकारी दिए।६५ सय मिटर उचाइमा चारजना शेर्पालाई डोरीको सहायताले पुर्याएर उद्धारमा खटाएइएको थियो ।

प्रतिक्रिया दिनुहोस्

%d bloggers like this: