अमेरिकामा क्रियाशील नेपाली सामाजिक अभियन्ता डा. परियारलाई ग्लोबल युथ लिडरशीप अवार्ड « Nagarik Khabar

अमेरिकामा क्रियाशील नेपाली सामाजिक अभियन्ता डा. परियारलाई ग्लोबल युथ लिडरशीप अवार्ड



काठमाण्डौं । अमेरिकामा कृयाशील सुपरिचित नेपाली सामाजिक अभियन्ता डा. विष्णुमाया परियार नेपालमा ‘ग्लोबल युथ लिडरशीप अवार्ड’ द्वारा सम्मानित भएकीछिन्। ग्लोबल युथ पार्लियामेण्ट संस्थाद्वारा नेपालको राजधानी काठमाण्डौंमा आयोजित ‘ग्लोबल युथ लिडरशीप समिट २०१९’ मा नेपालका पूर्व प्रधानमन्त्री झलनाथ खनालले सामाजिक अभियन्ता डा. परियारलाई उक्त पुरस्कारद्वारा सम्मान गरेका हुन्।

नेपालमा सामाजिक रूपान्तरणको लागि कृयाशील एडवान संस्थाको संस्थापक अध्यक्ष तथा जर्सी सिटी मेयरकी सल्लाहकार डा. परियार आफू संस्थापक अध्यक्ष बनेर सन् १९९८ देखि सुरु गरेको संस्था एड्वानले हालसम्म नेपालका सात जिल्लाहरुका २७ गाबिसमा स्थापित २९२ महिला समूहहरुमार्फत झण्डा ५० हजार महिला तथा उनीहरुका परिवारका सदस्यहरु र ३५ बिद्यालयहरुका २३ हजारभन्दा बढी बालबालिकाहरुलाई बिविध सामाजिक र शैक्षिक परियोजनाहरू सञ्चालन गरी लाभान्बित गरिकसेको छ ।

सामाजिक अभियन्ता डा. परियारको नेतृत्वमा सन् २०१५ र २०१८ मा अमेरिकामा रहेका नेपालीहरूक लागि जर्सी सिटी काउन्सिलबीच टिपिएस रिजोलुसन पास गराउन सफल हुनुभएको थियो भने सन् २०१७ को जुन ३० तारिख नेपाल र नेपालीको सम्मानका लागि जर्सी सिटी मेयर स्टेभन फुलपद्वारा अमेरिकी भूमि सिटी हलमा पहिलोपटक नेपाली झण्डा फहराउने ऐतिहासिक झण्डोत्तोलन सम्पन्न गराउन सफल हुनुभएको थियो । सिटी हल भवनभित्र नेपालको झण्डा फहराउने जर्सी सिटी पहिलो अमेरिकी शहर हो र विश्वमै सम्भवतः पहिलो उपलव्धी हो।

त्यसैगरी, जर्सी सिटी मेयर स्टेभन फुलपकी सल्लाहकार तथा दुई शहर बिचकी ईमिसरी (विशेष दूत) को रूपमा नियुक्त डा. परियारको पहल र नेतृत्वमा यसै वर्ष सन् २०१९ को जनवरी २४ तारिख अमेरिकाको जर्सी सिटी शहर र नेपालको ईन्द्रावती गाउँपालिकाबीच सिस्टर सिटी बनाउने सफलता मिलेको थियो। यी दुई शहर र गाउँपालिकाबीच हुने औपचारिक रूपमा सिस्टर सिटी बनाउन उनकै पहल र काउन्सिल प्रेसिडेण्ट रोलान्डो लाभारोको अगुवाईमा जर्सी सिटी काउन्सिलद्वारा गत डिसेम्वर १९ तारिख ऐतिहासिक काउन्सिल रिजोलुसन पारित गरिएको थियो।अन्य मुलुकको शहरसँग सिस्टर सिटी बन्ने ईन्द्रावती गाउँपालिका विश्वमै नयाँ नेपालको पहिलो गाउँपालिका हो।

विश्वभरबाट दुई दर्जनभन्दा बढी अन्तराष्ट्रीय पुरस्कारहरूबाट सम्मानित भईसक्नु भएकी सुपरिचित नेपाली सामाजिक अभियन्ता डा। विष्णुमाया परियारको नाममा अमेरिकाको केन्टकी राज्यको लुईभिल शहरले सन् २०१५ को सेप्टेम्वर २७ लाई ‘डा. परियार डे’ घोषणा गरी सम्मान गरेको छ भने विश्व भरका १५५ भन्दा बढी देशहरुका न्यू योर्कमा स्थापित वाणिज्यदूतावासहरुको संगठन ुसोसाईटी अफ फरेन कनुल्स ईन् न्यू योर्कु ले विश्व नारी दिवस २०१८ को अवसरमा सत्र देशका नारीहरुसंगै सामाजिक अभियन्ता डा. परियारलाई सम्मानित गरिसकेको छ ।

प्रतिक्रिया दिनुहोस्

%d bloggers like this: