पैसा भएकाले मात्र चुनाव जित्ने व्यवस्था अन्त्य गर्छु: प्रमुख निर्वाचन आयुक्त थपलिया (भिडियो सहित) « Nagarik Khabar

पैसा भएकाले मात्र चुनाव जित्ने व्यवस्था अन्त्य गर्छु: प्रमुख निर्वाचन आयुक्त थपलिया (भिडियो सहित)



काठमाडौं । नवनियुक्त प्रमुख निर्वाचन आयुक्त दिनेश कुमार थपलियाले पैसा भएकाहरुले मात्र चुनाव जित्ने अवस्थाको अन्त्य गर्ने बताएका छन् । काठमाडौंमा शनिवार आयोजित कार्यक्रममा बोल्दै उनले निष्ठावान र इमान्दार व्यक्तिले हार्ने र पैसावालाले चुनाव जित्ने अवस्थाको अन्त्य गर्ने दाबी गरे ।
मनोहरा विद्यानगर सेवा समाजले शनिवार राजधानीमा गरेको अभिनन्दन समारोहमा बोल्दै प्रमुख आयुक्त थपलियाले निर्वाचन प्रणालीलाई निश्पक्ष र सबैले विश्वास गर्ने बनाउने विषयमा नै आफु प्रयत्नशील रहने बताए ।
निर्वाचन प्रणालीलाई राम्रो र विश्वसनिय बनाएर मात्रै मुलुकमा शुसासन कायम हुन सक्ने भन्दै उनले सम्पुर्ण शक्ति निश्पक्ष निर्वाचनमा लगाउने प्रतिवद्धता जाहेर गरे । उनले भने निर्वाचनमा निष्ठा र इमान भन्दा पैसाले काम गर्न थाल्यो भने त्यसले भ्रष्टाचार बढाउने र भ्रष्टाचारले शासनलाई कमजोर पार्ने भएकाले निष्पक्ष निर्वाचन नै पहिलो प्राथमिकता बनाईनु पर्छ ।
निर्वाचनलाई मर्यादित, अनुशासित, निष्पक्ष र पारदर्शी बनाउनका लागि सबैको सहयोग आवश्यक रहेको भन्दै आवश्यक सल्लाह सुझाव दिन आग्रह गरेका छन् ।

 

प्रतिक्रिया दिनुहोस्

%d bloggers like this: