सामन्ती चिन्तन भएकाहरुले ‘मेरो सरकार’को विरोध गरे : प्रधानमन्त्री ओली « Nagarik Khabar

सामन्ती चिन्तन भएकाहरुले ‘मेरो सरकार’को विरोध गरे : प्रधानमन्त्री ओली



काठमाडौं । प्रधानमन्त्री केपी शर्मा ओलीले सामन्ती चिन्तन भएकाहरुले राष्ट्रपतिको सम्बोधनमा ‘मेरो सरकार’ भन्ने आउँदा विरोध गरेको दावी गरेका छन् । उनले राज्यको सर्वोच्च निकाय भएकाले राष्ट्रपतिले जननिर्वाचित सरकारलाई अपनत्व दिन ‘मेरो सरकार’ भन्ने गरेको तर्क पेश गरे ।

गत बुधबार राष्ट्रपति विद्या भण्डारीले संघीय संसदमा सरकारको नीति तथा कार्यक्रम प्रस्तुत गर्दा ‘मेरो सरकार’ भनेकामा चर्को आलोचना भइरहेको छ । प्रधानमन्त्री ओलीले राष्ट्रपतिको सम्बोधनमा ‘मेरो सरकार’ भनिएकोमा विरोध गर्नेहरुले भारतीय राष्ट्रपतिले ‘मेरो सरकार’ भन्ने गरेको हेर्न पनि पटक पटक आग्रहसमेत गरे ।

‘जननिर्वाचित सरकारलाई राष्ट्रपतिले मेरो सरकार भनेर अपनत्व दिन्छ । स्वीकाछ,’ प्रधानमन्त्री ओलीले थपे, ‘मेलै मेरो देश भन्छु तर तपाईहरुको देश होइन भनेको होइन । मेरो राष्ट्र, मेरो भाषा, मेरो संस्कृति भनेर मैले निजी भनेको हो र ? मैले त राष्ट्रिय सामुहिक भाषाको सर्वोच्च अभिव्यक्ति मात्रै दिएको हो ।’

सोमबार सिंहदरबारमा गणतन्त्र दिवस मूल समारोह समितिको बैठकमा प्रधानमन्त्री ओलीले काग्रेसबाट निर्वाचित भारतका तत्कालीन राष्ट्रपति प्रणव मुखर्जीले भारतीय जनता पार्टीको सरकारलाई पनि पटक–पटक मेरो सरकार भन्ने गरेको दृष्टान्त पेश गरे ।

प्रधानमन्त्री ओलीले राष्ट्रपति सर्वोच्च पद भएकाले सेना परिचालन गर्ने, संसदले पारित गरेको विधेयकलाई प्रमाणित गर्ने काम गर्ने गरेको स्मरण गराए ।

प्रतिक्रिया दिनुहोस्

%d bloggers like this: