एक लाख ३२ हजार अपराधी जेलबाहिरै « Nagarik Khabar

एक लाख ३२ हजार अपराधी जेलबाहिरै



काठमाडौं । अदालतबाट दोषी ठहर भई कैद सजाय तोकिएका एक लाख ३२ हजार अपराधी जेलबाहिरै रहेको समाचार आजको नयाँ पत्रिकाले पहिलो पृष्ठमा छापेको छ । ७२ वर्ष पुराना फैसलासमेत कार्यान्वयनमा आएका छैनन् ।

मुद्दा फैसला गरेपछि दोषीलाई सजाय दिलाउने बाँकी प्रक्रियामा न्यायपालिका स्वयं र कार्यपालिकासमेत उदासीन हुँदा फौजदारी अभियोगका दोषीले उन्मुक्ति पाउँदै आएका छन् ।

सर्वोच्च अदालत फैसला कार्यान्वयन निर्देशनालयका अनुसार एक लाख २९ हजार आठ सय ४४ स्वदेशी र एक हजार नौ सय ९५ विदेशी गरी कुल एक लाख ३१ हजार आठ सय ३९ जनालाई जेल पठाउन बाँकी छ । यी व्यक्ति ७२ हजार चार सय ७६ थान मुद्दामा दोषी ठहर भएको निर्देशनालयका निर्देशक यज्ञप्रसाद आचार्यले बताए ।

प्रतिक्रिया दिनुहोस्

%d bloggers like this: