जनताले आफ्नो संवैधानिक अधिकारको अनुभूति गर्नुपर्छ : भीम रावल « Nagarik Khabar

जनताले आफ्नो संवैधानिक अधिकारको अनुभूति गर्नुपर्छ : भीम रावल



अछाम । नेपाल कम्युनिस्ट पार्टी (नेकपा) का नेता भीमबहादुर रावलले संविधान प्रदत्त अधिकारको अनुभूति जनताले गर्न पाउनुपर्ने बताएका छन् ।

साँफेबगर नगरपालिकाकाको तेस्रो नगरसभाको उद्घाटन गर्दै नेता रावलले जनताको संघर्षबाट प्राप्त संघीयताको मर्मअनुसार जनप्रतिधिले अघि बढ्दै विकास निर्माणका कार्यलाई तीव्रता दिनुपर्नेमा जोड दिए ।

उनले स्थानीय तहमा आएको बजेटको सदुपयोग गर्दै देश समृद्ध बनाउने अभियानमा लाग्न जनप्रतिनिधिलाई आग्रहसमेत गरे । विगतमा एकले अर्कालाई दोषारोपण गरेर उम्किने प्रयास गरे पनि अब भने कुनै बहाना गर्ने ठाउँ नरहेको रावलको भनाइ थियो ।

नेकपाका स्थायी कमिटी सदस्य तथा सुदूरपश्चिम इञ्चार्जसमेत रहेका नेता रावलले स्थानीय तहले स्थानीय उत्पादन, युवास्वरोजगार, उद्यमशिलता लगायतका क्षेत्रमा लगानी गरेर अगाडि बढ्न सके देशको समृद्धि हुने उल्लेख गरे । उनले कम्युनिस्टको नेतृत्व भएका स्थानीय तहमा अन्य तहको भन्दा रचनात्मक र उत्कृष्ट कार्यसम्पादन हुनुपर्नेमा जोड दिए ।

सुदूरपश्चिम प्रदेशसभा सदस्य गोविन्द कुँवरले स्थानीय तहले सम्पादन गर्दै आएका कामको मूल्यांकन गरेर प्रदेशबाट सहयोग गरिने बताए । नगरपालिकाद्वारा आगामी आ.व. २०७६÷७७ का लागि ७९ करोड ६२ लाख ५९ हजारको बजेट बजेट नगरसभामा प्रस्तुत गरिएको थियो ।

प्रतिक्रिया दिनुहोस्

%d bloggers like this: