मोबाइल पत्रकारिता तालिम सम्पन्न « Nagarik Khabar

मोबाइल पत्रकारिता तालिम सम्पन्न



बनेपा । सञ्चार रजिष्ट्रार प्रदेश नम्वर ३ को कार्यालयले धुलिखेलमा आयोजना गरिएको पत्रकारितामा मोाइल पत्रकारिता तालिम सम्पन्न भएको छ । नवीनतम प्रयोग प्रर्वद्धन लागि मल्टिमिडिया तथा मोबाइल पत्रकारिता तालिम शनिबार सम्पन्न भएको हो ।

प्रदेश नम्वर ३ का काभ्रेपलाञ्चोकलगायत सिन्धुपाल्चोक, रामेछाप, दोलखा र सिन्धुलीका पत्रकारको सहभागिता रहेको तालिममा मोबाइलबाट नै भिडियो खिच्ने, अडियो रेकर्ड गर्ने, इडिट गर्ने र मिक्सिङ गरी कार्यक्रम उत्पादन गर्ने तालिम दिएको हो ।

सो तालिम समापन कार्यक्रममा रामेछापका सहभागी मञ्जु उप्रेतीले तालीमबाट धेरै राम्रो ज्ञान लिन पाएको बताए । दैनिक गर्ने काममा मोबाइल धेरै उपयोगी हुन्छ भन्ने कुरालाई व्यावहारिकरूपमा प्रयोगमा ल्याई पेशालाई थप जिम्मेवार र दक्ष बनाउनका लागि तालिमले सहयोग पु¥याएको उनले बताए ।

अर्का सहभागी काभ्रेपलाञ्चोकका अञ्जली तामाङले तालिमले पेशामा थप ऊर्जा थपिदिएको बताइन । पहिला सामान्यरूपमा भिडियो इडिटिङ र रेकर्डिङका लागि काठमाडौँसम्म खर्च गरी धाएर सिकेको भए पनि खासै प्रगति गर्न नसकेको अवस्थामा जिल्लामै बसेर सो सम्बन्धी ज्ञान हासिल गर्दै पत्रकारिता पेशामा अर्को मनोबल बढाएको उनको भनाइ छ ।

कार्यक्रममा प्रदेश नं ३ का सञ्चार रजिष्ट्रार रेवतीप्रसाद सापकोटाले पत्रकारिताको दैनिक काममा मोबाइल प्रयोग हुन थालेपछि पत्रकारलाई नयाँ प्रविधि र ज्ञान सीपको आवश्यक्ता पूर्ति गर्न तालिम आयोजना गरेको बताए ।

उनले ग्लोबल जर्नालिज्मको अवधारणालाई आम पत्रकारिता जगत्मा पु¥याउन सहयोग पु¥याउने र मोफसलमा रहेर पत्रकारिता गर्ने पत्रकारले आफूलाई लोकल जर्नालिज्म भएकाे बताए ।

उनले सङ्कुचितरूपमा सोच्ने गरेका कारण अब प्रविधि र मिडियाको प्रयोगको पहुँच असिमित हुने गरेको कारण लोकल नभई ग्लोबल जर्नालिज्म हो भन्ने धारणामा परिवर्तन ल्याउन तालिमले उत्प्रेरण दिने बताए । तालिममा जिल्लामा रहेर रेडियो, टेलिभिजन, अनलाइन पत्रकारितामा सक्रिय २० पत्रकारको सहभागिता रहेको थियो । रासस

प्रतिक्रिया दिनुहोस्

%d bloggers like this: