कालापानी र लिपुलेक सरकारले फिर्ता ल्याएरै छाड्छ : मन्त्री राई « Nagarik Khabar

कालापानी र लिपुलेक सरकारले फिर्ता ल्याएरै छाड्छ : मन्त्री राई



नेपालगञ्ज । शहरी विकासमन्त्री मोहम्मद इस्तियाक राईले कालापानी र लिपुलेक नेपालको भू–भाग भएकाले सरकारले फिर्ता ल्याएरै छाड्ने बताएका छन् ।

बुधबार नेपालगञ्जमा भएको सिस्नुपानी नेपालको प्रस्तुति करमैत्री यात्रा कार्यक्रमलाई सम्बोधन गर्दै मन्त्री राईले कूटनीतिक वार्ता र छलफलका माध्यमबाट कालापानी र लिपुलेक फिर्ता गरिने प्रतिवद्धता जनाए ।

मन्त्री राईले करमैत्री वातावरण निर्माणका लागि वर्तमान सरकारले उद्योगी व्यवसायीसँग निरन्तर सहकार्य गर्दै आएको बताउँदै कर तिर्नु सबै नागरिकको कर्तव्य भएको बताए । उनले त्यसको सदुपयोग गर्नु सरकारको दायित्व भएको प्रष्ट्याए ।

कार्यक्रममा सिस्नुपानी नेपालको तर्फबाट हाँस्य कलाकार मनोज गजुरेल, लक्ष्मण गाम्नामे, शिशिर योगीलगायतले करको विषयसम्बन्धी विभिन्न व्यङ्ग्यात्मक रचना प्रस्तुत गरेका थिए ।

प्रतिक्रिया दिनुहोस्

%d bloggers like this: