नक्कली ‘रत्न’ बिक्री गर्ने पक्राउ


SHARES

काठमाडौं । नक्कली रत्न (पत्थर) लाई बहुमूल्य भनी बिक्री गर्दै हिँड्ने एक गिरोहलाई प्रहरीको महानगरीय प्रहरी अपराध महाशाखाले पक्राउ गरेको छ ।

पत्थरलाई गैरकानूनी रुपमा ओसारपसार गरी करोडौँ मूल्य पर्ने भनी झुक्याएर कारोवार गर्न लागेको भन्ने सूचनाका आधारमा खटिएको महाशाखाका टोलीले उनीहरुलाई काभ्रेको पनौतीबाट पक्राउ गरिएको महाशाखाका प्रमुख प्रहरी वरिष्ठ उपरीक्षक सहकुलबहादुर थापाले जानकारी दिनुभयो ।

पक्राउ पर्नेमा काभ्रे पनौती बस्ने नवराज खड्का, झापाका हरि खापुङ र यमकुमार गिरी, मोरङका लोकबहादुर सार्की र रौतहटका भीमबहादुर लामा रहेका छन् ।

उनीहरुको कोठाबाट विभिन्न रङका मोजनाइट, काइनेटिक, ब्ल्याक स्टोन, ग्रिन डायमन्डजस्तो देखिने पत्थर, एलवी डायमन्डजस्तो पत्थर, फेन्सी डायमन्डजस्तो देखिने स्टोन, पुष्पराज, निलम, लसुनिया, रुवि तथा पहेँलो धातुमा जडित औँठी बरामद गरिएको प्रहरीले जनाएको छ ।

बिहीबार पक्राउ परेका उनीहरुलाई आवश्यक कारवाहीका लागि आज त्रिभुवन अन्तर्राष्ट्रिय विमानस्थल भन्सार कार्यालय बुझाइएको महाशाखाले जनाएको छ ।


SHARES


mode_editप्रतिक्रिया




menu LIVE TV
menu LIVE TV