११ हजार फिटमाथि उड्ने यो कार, मूल्य कति ? (फोटोसहित)


SHARES

एजेन्सी । संसारमै पहिलो पटक आकाशमा उड्ने कारको सफल परीक्षण गरिएको छ । अमेरिकामा परीक्षण गरिएको यो कार प्रतिघन्टा ३२१ किलोमिटरका दरले हावामा उड्न सक्छ । यसलाई सडकमा पनि कुदाउन मिल्छ । सडकमा यसको गति प्रतिघन्टा १६० किलोमिटर हुन्छ । यसको नाम  PAL-V अर्थात पायोनियर पर्सनल एयर ल्याण्डिङ भेहिकल रहेको छ ।

उड्ने कारको मूल्य अमेरिकामा ७ लाख अमेरिकी डलर रहेको छ । यो सन् २०२१देखि प्रयोगमा आउने अन्तर्राष्ट्रिय सञ्चारमाध्यमले जनाएका छन् । नेदरल्याण्ड्सको कम्पनीले कारको बुकिङ pal-v.com वेभसाइट मार्फत गरिरहेको छ । डेलिमेलका अनुसार कार उत्पादन भने अहिले धमाधम भैरहेको छ ।


अहिले संसारभरका धेरै कार उत्पादन कम्पनीहरु उड्ने कारको कन्सेप्टमा काम गरिरहेका छन् । तर पल भीले पहिलो पटक व्यवसायिक परीक्षण र उत्पादन सुरु गरेको हो । कम्पनीले यो कार ११ हजार ५०० फिटको उचाइमा उड्न सक्ने जनाएको छ ।

कारमा दुई जना मात्र बस्न मिल्छ । कारमा पेट्रोलबाट चल्ने खालका ४ सिलिण्डर इन्जिन लाग्छ । १० मिनेटमा उड्ने र गुड्ने परिवर्तन गर्न सकिन्छ ।

कम्पनीले उड्ने खालको कार अहिले परीक्षण र मार्केटिङका लागि मात्र बनाइएको हो । कारको ल्याण्डिङका लागि ५४० फिट लामो रनवे आवश्यक पर्छ । कार १०० मिटरको रनवेमा पनि ल्याण्ड गर्न सकिन्छ ।

 


SHARES


mode_editप्रतिक्रिया




menu LIVE TV
menu LIVE TV