नुवाकोटमा पति-पत्नीको झगडा छुट्टाउने महिलाको मृत्यु


SHARES

नुवाकोट । नुवाकोटको तारकेश्वर गाउँपालिका-१ दाङसिंहमा पति–पत्नीको झगडा छुट्टाउन गएकी महिलाको मंगलबार मृत्यु भएको छ ।

मृत्यु हुनेमा स्थानीयवासी ५५ वर्षीया लालमाया तामाङ रहेको जिल्ला प्रहरी कार्यालयले नुवाकोटले जनाएको छ । 

प्रहरी निरीक्षक विष्णुहरि फुयाँलका अनुसार त्यही स्थानका मेघबहादुर तामाङ र उनकी पत्नी चिनीमायाबीच सोमबार विवाद भएको थियो ।

विवादपछि चिनीमायाँ बच्चासहित लालमायाको घरमा बास बस्न गएकी थिइन्। तर उक्त घरमा नै पत्नीलाई फकाउन मेघबहादुर राति १० बजे पुगेका थिए ।

पति–पत्नीको झगडा समाधान गराएर घर फर्काउन सहजीकरण गर्ने क्रममा लालमाया आफ्नै घरको आँगनमा लडेर बेहोस भएकी थिइन्।

उपचारका लागि मंगलबार जिल्ला अस्पताल त्रिशूलीमा पुर्‍याउँदा चिकित्सकले मृत घोषित गरिदिए। उनको शव परीक्षणका लागि जिल्ला अस्पतालमा राखिएको छ । रासस


SHARES


mode_editप्रतिक्रिया




menu LIVE TV
menu LIVE TV