भारतमा कोरोना भाइरस संक्रमितको संख्या ७४ लाख ३२ हजार नाघ्यो



नयाँदिल्ली, सिन्ह्वा । भारतमा शनिबार कोरोना भाइरस (कोभिड–१९) संक्रमितको संख्या ७४ लाख ३२ हजार नाघेको छ ।

शनिबार मध्याह्नसम्म प्राप्त समाचारअनुसार भारतमा कोरोना संक्रमित संख्या ७४ लाख ३२ हजार ६ सय ८० भएको छ । यस संक्रमणबाट ज्यान गुमाउने व्यक्तिको संख्या १ लाख १३ हजार ३२ पुगेको यहाँको स्वास्थ्य मन्त्रालयले जनाएको छ ।

भारतमा गत २४ घण्टामा ६५ हजार १ सय २६ जनामा थप संक्रमण देखिएको र कोरोना स.क्रमणको कारण ८ सय ८२ जनाको मृत्यु भएको छ ।

अझै पनि भारतभरि ७ लाख ९५ हजार ५३ व्यक्ति संक्रिय संक्रमित रहेका छन् । कोरोनाको संक्रमण देखा परेयता हालसम्म ६५ लाख २४ हजार ५ सय ९५ जना संक्रमित व्यक्तिहरु कोरोना भाइरसमुक्त भएका छन । संक्रमणमुक्त भएकाहरुको संख्यामा भारत अग्रस्थानमा रहेको छ ।

कोरोनाको संक्रमण देखा परेयता भारतमा ९ करोड ३२ लाख ५४ हजार १७ व्यक्तिलाई कोरोना भाइरस भएको या नभएको परिक्षण गरिएको भारतीय मेडिकल रिसर्च काउन्सिल (आइसीएमआर) ले जानकारी दिएको छ ।

जोन्स हकिन्स विश्वविद्यालयले दिएको पछिल्लो विवरणअनुसार विश्वभरि हालसम्म ११ लाख भन्दा बढीको मृत्यु भएको छ , ।

विश्वभरि महामारीको रुपमा फैलिएको कोरोना भाइरस (कोभिड–१९) का कारण विश्वमा तीन करोड ९५ लाख ९६ हजारभन्दा बढी मानिस संक्रमित भएका छन् । कूल संक्रमितमध्ये दुई करोड ९६ लाख ६१ हजार ७ सय ६५ जना संक्रणमुक्त भइसकेको विश्वविद्यालयले जनाएको छ ।

प्रतिक्रिया दिनुहोस्
%d bloggers like this: