षड्यन्त्र गरेर सांसद र पार्टीबाट हटाइयो, म अदालत जान्छु : सरिता गिरी


SHARES

काठमाडौं । समाजवादी पार्टीले आफ्नो पार्टीकी नेतृ तथा सांसद सरिता गिरीलाई पदबाट सांसद र पार्टी दुवै पदबाट निष्काशन गरेपछि उनले अदालत जाने घोषणा गरेकी छन् । पत्रकारहरुसँग कुराकानी गर्दै उनले आफूमाथि भएको अन्यायकाविरुद्ध भोलि नै अदालत जाने घोषणा गरिन् ।

पार्टीका अन्य दुईजना सांसदले पनि पार्टीको ह्विप नमानेको दावी गर्दै उनले अदालतबाट न्याय पाउने विश्वास व्यक्त गरेकी छन् । कार्यदलको सिफारिसमा गिरीलाई आज समाजवादी पार्टीले निष्काशन गरेर उनको ठाउँमा लीला सिटौलालाई सांसद बनाउन सिफारिस गरिसकेको छ ।

गिरीले भनेकी छन्, 'संशोधनको पक्षमा भोट नहाल्ने सांसद म मात्रै होइन । सांसदद्वय अमृता अग्रहरी र सूर्यनारायण यादवले बहिस्कार गरेका हुन । त्यो दिन सांसद यादव संसदीय दलमा उपस्थित भएको प्रमाण मसँग छ । अमृता अग्रहरी पनि जानाजान अनुपस्थित हुनुभएको हो । उहाँहरुलाई कारबाही कस्ले गर्छ ?'

नेपालको अतिक्रमित भूमि समेटिएको नक्सालाई संविधानको अनुसूचीमा समेट्नका लागि भएको संविधान संशोधनको पक्षमा मतदान नगरेपछि समाजवादी पार्टीले गिरीलाई सांसद र पार्टी दुवैबाट आज निष्काशन गरेको छ ।

पार्टीको ह्विप नमानेकी समाजवादी पार्टीकी सांसद गिरीलाई दुवै पदबाट कारबाही गर्न अध्ययन कार्यदलले सिफारिस गरेको थियो ।

समाजवादी पार्टीले महासचिव रामसहायप्रसाद यादवको संयोजकत्वमा कार्यदल बनाएको थियो। कार्यदलमा मोहम्मद इस्तियाक राई र सुशीला श्रेष्ठ सदस्य थिए ।

 


SHARES


mode_editप्रतिक्रिया




menu LIVE TV

२०७७ साल श्रावण २९ गते, बिहीबार

menu LIVE TV