प्रचण्डले पठाए संवादका लागि ओलीलाई सन्देश : ओलीले राखे दुई सर्त !

नेकपा विवाद


SHARES

काठमाडौं । नेपाल कम्युनिष्ट पार्टी (नेकपा)को विवाद नयाँ मोडमा पुगेको छ । अध्यक्षद्वय केपी शर्मा ओली र पुष्पकमल दाहाल 'प्रचण्ड'बीच हुने भनिएको संवाद हुन सकेको छैन ।

संवादहीनता तोड्ने भन्दै महासचिव विष्णु पौडेलले खुमलटार बालुवाटार गरे पनि संवादको वातावरण बन्न सकेको छैन । खुमलटारको सन्देश बोकेर बालुवाटार पुगेको महासचिव पौडेलले आफू निकटसँग सहमतिको सम्भावना कम हुँदै गएको बताउन थालेका छन् ।

प्रचण्डको सन्देशमा ओलीको जवाफ

पार्टीका कार्यकारी अध्यक्ष प्रचण्डले बिहीबार बिहान आफ्नो निवास खुमलटारमा महासचिव पौडेलसँग झण्डै दुई घन्टा वार्ता गरे । प्रचण्डले संवादका लागि ओलीलाई सकरात्मक हिसाबले छलफल गर्नेगरी समय मिलाउनका लागि महासचिवमार्फत सन्देश पठाएका थिए ।

स्रोतका अनुसार प्रचण्डले महासचिव पौडेलसँग भने, 'तपाईँले सम्झाउनुस् साथीहरुको कुरा पनि सुन्नुपर्छ । अरुको कुरा सुन्दैमा सानो भइँदैन । सकरात्मक निकास निकाल्नेगरी समय मिलाउन भन्नुस् । पार्टी एकता कायम राख्ने अन्तिम प्रयास गरौँ । तपाईँले पनि यहीँ तरिकाको भूमिका खेल्नु पर्यो ।'

प्रचण्डले पार्टीभित्रको मुख्य विवाद ओलीले नै सुरु गरेकाले निकासका लागि ओलीबाटै विकल्प आउनु पर्नेमा जोड दिएका छन् । उनले भने, 'मैले पार्टी एकताकै लागि सबै कुरा छाडेकै हो नि । मैले के गर्न बाँकी छ ? प्रधानमन्त्री बनाएकै थियो । त्यो पनि पाँच पाँच वर्ष । उहाँले अर्को एकजना साथीलाई जिम्मेवारी दिएर पाँच वर्ष सरकार चलाउँदा के हुन्थ्यो ? खाली घमण्डमात्र गर्ने र आफू निकट लगाएर विभिन्न प्रलोभनमा पार्न खोज्ने ? यो के तरिका हो ?'

खुमलटारमा झण्डै दुई घन्टा छलफल गरेका महासचिव पौडेल प्रचण्डको सन्देश बोकेर बालुवाटार पुगे । उनले प्रचण्डको सन्देश सुनाएपछि ओलीले पहिले स्थायी कमिटी र केन्द्रीय कमिटी बैठक रोक्नुपर्ने नयाँ सर्त राखे । जारी स्थायी कमिटी बैठक रोकेर सचिवालमार्फत निकास खोज्ने र महाधिवेशनमा केन्द्रित हुने ओलीले सुनाए ।

ओलीले उनी निकट नेतासँग भने, 'पहिले स्थायी कमिटी बैठक र माग गरिएको केन्द्रीय कमिटी बैठक रोक्नुपर्छ । यसरी वार्ता हुँदैन । वार्ता र संवाद कसरी हुन्छ ? बैठक बोलाउने दबाब दिने र वार्ता गर्ने ? अब उहाँहरुको अवस्था हेरेर अगाडि बढ्नुपर्छ ।'

दुबैतर्फको कुरा सुनेका महासचिव पौडेल अहिले दोस्रो तहका नेताहरुसँग संवादहीनता तोड्ने भन्दै वार्तामा जुटेका छन् । एकदुई दिनमा अध्यक्षद्वय ओली-प्रचण्डबीच वार्ता हुनसक्ने स्रोतले जनाएको छ ।

यो पनि हेर्नुस्

खुमलटार पुगेर प्रचण्डसँग असन्तुष्ट नेताले भने, 'हामी तपाईँसँगै छौँ, जबज मान्ने कुरै आउँदैन'

खुमलटारका ‘विश्वासपात्र’ गौतम यसरी भए बालुवाटार युटर्न !

नेकपा विवादमा ओली र प्रचण्डको आ-आफ्नै प्रस्ताव :  संवादहीनता तोड्न महासचिवको दौडधुप

बामदेवले ओलीलाई भने, 'मैले यो प्रस्ताव तपाईँलाई खुसी पार्न ल्याएको होइन, त्यो बुझ्नु भयो भने गलत हुन्छ'

यी हुन् नेकपा केन्द्रीय कमिटीको बैठक माग गर्ने १५२ जना केन्द्रीय सदस्य (नामावलीसहित)

नेकपा विवाद : बामदेव गौतम भेट्न भैँसेपाटी पुगे प्रधानमन्त्री ओली

नेकपाको ४४ सदस्यीय स्थायी कमिटीमा यी हुन् आजको बैठकमा सहभागी २९ सदस्य (नामावलीसहित)

नेकपा स्थायी कमिटी बैठक सकियो : ओलीले एकतर्फी बैठक स्थगित गर्नू गलत भएको निष्कर्ष

प्रचण्डले स्थायी कमिटी बैठकमा भने, 'कसैको लहड र उत्तेजनाबाट पार्टी विभाजन हुन दिनु हुँदैन'

नेकपा उपाध्यक्ष बामदेव गौतम पुगे बालुवाटार, बैठकमा सहभागी

 


SHARES


mode_editप्रतिक्रिया




menu LIVE TV

२०७७ साल श्रावण २९ गते, बिहीबार

menu LIVE TV