प्रचण्डको प्रश्न ‘अब तपाईं के गर्नुहुन्छ ? बामदेवले भने, म कुनै गुटमा लाग्दिनँ’



काठमाडौं । नेपाल कम्युनिष्ट पार्टी (नेकपा)का अध्यक्ष पुष्पकमल दाहाल प्रचण्ड र उपाध्यक्ष बामदेव गौतमबीच भएको भेटवार्ताबारे भ्रम देखिएको भन्दै उपाध्यक्ष गौतमको तर्फबाट स्पष्ट पारेका छन् ।

उपाध्यक्ष गौतमका सहयोगी विश्वमणी सुवेदीले फेसबुकमा स्टाटस लेख्दै भेटका सन्दर्भमा विभिन्न किसिमका चर्चा, परिचर्चा गरिएपनि वास्तविकताका बारेमा स्पष्ट गरेका हुन् ।

साउन २० गते अध्यक्ष प्रचण्ड भैसीपाटीस्थित गौतम निवास पुगेका थिए सो बैठकमा पार्टीको सामयिक विषयमा छलफल भएका थिए । त्यसबारे विभिन्न चर्चा भएका थिए ।

गौतमले अघि सारेको छ बुँदे प्रस्तावमा प्रधानमन्त्री केपी शर्मा ओलीले समर्थन गरेका थिए । मंगलबार भैसेपाटीमा भएको भेटमा उपाध्यक्ष गौतमले आफू कुनै गुट र विचार समूहमा नरहने बताएका थिए ।

सुवेदीले लेखेको स्टाटसमा भनिएको छ, ‘२० गते पार्टीका अर्का अध्यक्ष क।प्रचण्ड उपाध्यक्षलाई भेट्न जानुहुँदा उपाध्यक्ष क.वामदेवले आफू कुनै निश्चित नेता वा विचार समूहको पक्षमा नभई पार्टी एकताप्रति दृढ रहेको स्पष्ट पार्नुभयो ।’

उपाध्यक्ष गौतमलाई अध्यक्ष प्रचण्डले ‘तपाई कुन गुटमा ?’ भन्दै सोधेका थिए । तर उपाध्यक्ष गौतमले आफू कुनै गुटमा नरहेको बताएका थिए ।

उपाध्यक्ष गौतमको तर्फबाट सुवेदीले दिएको स्पष्टीकरण–

स्पष्ट पारिएको बारे
नेपाल कम्युनिष्ट पार्टी (नेकपा) का अध्यक्ष तथा पूर्वप्रधानमन्त्री क।पुष्पकमल दाहाल (प्रचण्ड) ले साउन २० गते मंगलबार विहान पार्टी उपाध्यक्ष तथा संगठन विभागका प्रमुख क.वामदेव गौतमसँग गर्नुभएको भेटका सन्दर्भमा विभिन्न टिकाटिप्पणी भइरहेका छन् ।

उक्त भेटमा अध्यक्ष क। प्रचण्डले उपाध्यक्ष क। गौतमसँग पार्टीसँग सम्बन्धित केही समसामयिक विषयमा संक्षिप्त कुराकानी गर्नुभएको हो ।

उक्त भेटका सन्दर्भमा विभिन्न किसिमका चर्चा, परिचर्चा गरिए पनि वास्तविकता निम्नानुसार मात्र भएको स्पष्ट पारिन्छ ।

स्मरणीय छ कि,साउन १३ गते उपाध्यक्ष क।वामदेव गौतमले पार्टी विग्रह तत्काल रोक्नका लागि दुबै अध्यक्षसमक्ष राख्नुभएको प्रस्तावउपर सोही दिन पार्टीका अध्यक्ष तथा सम्माननीय प्रधानमन्त्री क।केपी शर्मा ओलीले आफ्नो समर्थन रहेको स्पष्ट पारिसक्नुभएको थियो ।

२० गते पार्टीका अर्का अध्यक्ष क।प्रचण्ड उपाध्यक्षलाई भेट्न जानुहुँदा
उपाध्यक्ष क।वामदेवले आफू कुनै निश्चित नेता वा विचार समूहको पक्षमा नभई पार्टी एकताप्रति दृढ रहेको स्पष्ट पार्नुभयो ।

क. प्रचण्डले ‘अब तपाईं के गर्नुहुन्छ ?’ भनी सोध्नुभयो ।
उपाध्यक्ष क. वामदेव गौतमले ‘म ठूलो–सानो कुनै पनि गुटमा लाग्दिनँ’ भनी अध्यक्ष क।प्रचण्डलाई बिदा गर्नुभयो ।

विश्वमणि सुवेदी
उपाध्यक्ष क. वामदेव गौतमको सहयोगी




mode_editप्रतिक्रिया




menu LIVE TV

२०७७ साल आश्विन ११ गते, आईतवार

menu LIVE TV