बिहीबार नेप्से दाेहाेराे अंकले बढ्याे « Nagarik Khabar

बिहीबार नेप्से दाेहाेराे अंकले बढ्याे



काठमाडाैं । धितोपत्र बजारमा सेयर कारोबार मापक नेप्से परिसूचक आज दोहोरो अङ्कले बढेको छ । पछिल्ला दिनमा लगातार ओरालो लागेको नेप्सेमा बिहिबार भने सुधार देखिएको हो ।

नेपाल स्टक एक्सचेञ्जका अनुसार १५.८० अङ्कले बढेर दुई हजार ६४८ मा पुगेको छ । यस्तै, ठूला कम्पनीको सेयर कारोबार मापन गर्ने सेन्सेटिभ परिसूचक ३.२१ अङ्कले बढेर ४७६.६० मा पुगेको छ ।

कुल २१४ कम्पनीकाे एक करोड ३० लाख ३२ हजार ८२३ कित्ता सेयर रु पाँच अर्ब ९१ करोड ५१ लाख ३९ हजार ८८८ मा खरिद बिक्री भए । बिहीबारको कारोबारपछि बजार पूँजीकरण रु ३६ खर्ब ६६ अर्ब ६९ करोड ९१ लाख ९० हजार बराबर पुगेको छ ।

कारोबार भएका कुल १३ उपसमूहमध्ये आज दुई उपसमूहको सेयर ओरालो लागे भने ११ उपसमूहका सेयर उकालो लागेका छन् । होटल तथा पर्यटन ५२.९२ र सामूहिक लगानी कोष ०.०६ विन्दुले ओरालो लाग्यो । यस्तै, बैंकिङ ९.२२, व्यापार ११.१२, विकास बैंक ३८.१७, जलविद्यत् ४.९८, वित्त १.४१, निर्जीवन बीमा ११४.९, उत्पादन ४७.२८, अन्य २१.३१, लघुवित्त ५३.१९, जीवन बीमा ११४.०६ र लगानी ०.१७ बिन्दुले उकालो लागेको छ ।

कारोबारका आधारमा एनसिसी बैंक शीर्ष स्थानमा रहेको छ । सो बैंकको रु ६२ करोड २७ लाख ७९ हजार ८५० बराबरको कारोबार भयो । यस्तै, नेपाल पूर्वाधार बैंक रु २५ करोड ८७ लाख ४८ हजार ३४८, एनआइसि एसिया लघुवित्त रु २१ करोड ३५ लाख ७९ हजार, एचआइडिसिएल रु १९ करोड ५३ लाख ६४ हजार ८७५, नबिल बैंक रु १६ करोड २२ लाख ५३ हजार ९५७, माथिल्लो तामाकोसी रु १३ करोड ४८ लाख ७५ हजार २००, नागरिक लगानी कोष रु १२ करोड ४९ लाख ३४ हजार ७६२ र एनआइसि एसिया बैंक रु ११ करोड २१ लाख ९३ हजार बराबरको कारोबार भई शीर्ष स्थानमा रहे ।

यसैगरी, विशाल बजार कम्पनी र सिन्धु विकास बैंकको सेयरमा समान १० प्रतिशतले वृद्धि हुँदा सकारात्मक सर्किट लाग्यो । महिला लघुवित्त ९.९७, ग्रीन डेभलपमेन्ट बैंक ९.९५, ज्योति लाइफ इन्स्योरेन्स ९.९३, एनसिसी बैंक ९.८४, सप्तकोशी डेभलपमेन्ट बैंक ६.८४, आइएमई जनरल इन्स्योरेन्स ५.५८ र एनआरएन इन्फ्रास्टकचरका लगानीकर्ताले ५.३८ प्रतिशतले कमाए ।

हिमालयन ऊर्जा विकास कम्पनी ३.४४, पञ्चकन्या माई हाइड्रोपावर २.५६, मन्जुश्री फाइनान्स २.४५, हिमाल दोलखा हाइड्रोपावर २.३८, चन्द्रागिरि हिल्स २.२९, नेपाल हाइड्रो डेभलपर २.२३, रिडी हाइड्रोपावर २.२०, गुर्खाज फाइनान्सका लगानीकर्ताले १.७९ प्रतिशतले गुमाएका छन् ।

प्रतिक्रिया दिनुहोस्

%d bloggers like this: