जसपाका सांसदलाई कारवाही गरिएको छैन भन्दै लुम्बिनीका सभामुखलाई महन्थले लेखे पत्र « Nagarik Khabar

जसपाका सांसदलाई कारवाही गरिएको छैन भन्दै लुम्बिनीका सभामुखलाई महन्थले लेखे पत्र



काठमाडौं । लुम्बिनी प्रदेशका चार सांसदलाई पार्टीले पदमुक्त नगरेको भन्दै जनता समाजवादी पार्टी (जसपा)का अध्यक्ष महन्थ ठाकुरले प्रदेशसभामा अर्को पत्र पठाएका छन् ।

लुम्बिनी प्रदेशका चार सांसदलाई पदमुक्त गर्ने निर्णय पार्टीको केन्द्रीय कारिणी समितिबाट नभएको भन्दै अध्यक्ष ठाकुरले प्रदेशसभामा अर्को पत्र पठाएका हुन् ।

ठाकुरले लुम्बिनी प्रदेश सभा सदस्यहरुलाई कुनै कारवाही केन्द्रीयस्तरबाट नभएको पत्रमा उल्लेख गरेका छन् । ठाकुरले लुम्बिनी प्रदेश सभा संसदीय दलको बहुमतको निर्णयलाई नै मान्यता दिइने उल्लेख गरेका छन ।

बिहीबार ठाकुरले सभामुखलाई पठाएको पत्रमा लुम्बिनीमा पूर्व राजपा नेपाल र पूर्व समाजवादी पार्टीका प्रदेश समितिको समायोजन हुन नसकेको र संसदीय दललाई नै प्रदेश सभा सम्बन्धी सम्पूर्ण कार्य गर्न निर्देशन पठाइएको उल्लेख गरेका छन् ।

६ सदस्यीय प्रदेश सभा संसदीय दलमा चारजना पूर्व राजपा पक्षका छन् । उनीहरुलाई उपेन्द्र यादव र बाबुराम भट्टराई पक्षको कार्यकारिणी समितिको निर्णय अनुसार प्रदेशसभा सदस्यबाट पदमुक्त गरिएको हो ।

सन्तोषकुमार पाण्डेय, विजयबहादुर यादव, समुन शर्मा र कल्पना पाण्डे पदमुक्त हुनेमा रहेका छन् ।

प्रतिक्रिया दिनुहोस्

%d bloggers like this: