स्वास्थ्यमन्त्री तामाङले गरे सम्पत्ति विवरण सार्वजनिक, १४ ठाउँमा जग्गा, २२ तोला सुन « Nagarik Khabar

स्वास्थ्यमन्त्री तामाङले गरे सम्पत्ति विवरण सार्वजनिक, १४ ठाउँमा जग्गा, २२ तोला सुन



काठमाडौं । स्वास्थ्य तथा जनसंख्या मन्त्री शेरबहादुर तामाङले आफ्नो सम्पति विवरण सार्वजनिक गरेका छन् । मन्त्री नियुक्त भएलगतै सम्पति बिबरण सार्वजनिक गर्ने घोषणा गरेका उनले आफ्नो र श्रीमती उषाकला राईको सम्पति विवरण प्रधानमन्त्री तथा मन्त्रीपरिषदको कार्यालयमा बुझाएका हुन् ।

तामाङ्ले सार्वजनिक गरेको सम्पत्ति विवरण अनुसार उनको र श्रीमतीको नाममा गरी विभिन्न ठाउँमा १४ कित्ता जग्गाजमिन रहेको छ ।

तामाङको सिन्धुपाल्चोकको सिन्धुकोट र मेलम्चीमा गरी झन्डै १८ रोपनी जग्गा रहेको छ भने श्रीमती उषाकलाको नाममा काठमाडौंको जोरपाटीमा ३ आनामा बनेको अढाई तले घरसहित पूर्वका विभिन्न जिल्लामा ११ स्थानमा जग्गा जमिन रहेका छन ।

त्यस्तै मन्त्री तामाङको काठामाडौंमा ६ आना २ पैसा १ दाम जग्गा रहेको छ । तामाङको २२ तोला सुन रहेको छ । अघिल्लो पटक कानून मन्त्री भएका बेला उनले ३० तोला सुन भएको विवरण सार्वजनिक गरेका थिए ।

त्यस्तै तामाङको एभरेष्ट बैंक सिंहदरबार शाखामा तलब भत्ता बापतको २ लाख १६ हजार १ सय २५ रुपैयाँ रहेको छ भने श्रीमती राईको दुईवटा बैंकमा १ लाख ६ हजार २ सय २५ रुपैयाँ रहेको छ । त्यस्तै मन्त्री तामाङको विभिन्न कम्पनीमा ५ लाख रुपैयाँको शेयर रहेको छ भने श्रीमती राईको नाममा १५ लाख रुपैयाँको शेयर रहेको छ ।

त्यस्तै राईले विभिन्न बैंकबाट ऋण लिएको र सो मध्ये केही तिरेको बिवरण पनि उल्लेख गरेका छन् । कृषि विकास बैंकमा १६ लाख र अन्यमा गरी १९ लाख रुपैयाँ ऋण भएको उल्लेख गरेका छन् ।

यस्तै तामाङसँग एउटा कार र मोटरसाइकल रहेको छ भने श्रीमती राईको पनि एउटा कार रहेको छ । उनले ल्यापटप २ थान र ३ थान मोबाइल रहेको सम्पत्ति बिबरणमा उल्लेख गरेका छन् ।

Sherbahadur-Tamang

प्रतिक्रिया दिनुहोस्
%d bloggers like this: