निर्वाचन आयोगको निर्णय मान्य हुँदैन : उपेन्द्र यादव « Nagarik Khabar

निर्वाचन आयोगको निर्णय मान्य हुँदैन : उपेन्द्र यादव



काठमाडौं । जनता समाजवादी पार्टी (जसपा)का अध्यक्ष उपेन्द्र यादवले आफ्नो पार्टीका सम्बन्धमा निर्वाचन आयोगले गरेको पछिल्लो निर्णय मान्य नहुने बताएका हुन् ।

निर्वाचन आयोगको तटस्थता र निश्पक्षतामाथि नै शंका उत्पन्न भएको उनको भनाइ छ ।

मंगलबार एक विज्ञप्ति जारी गर्दै उनले आयोगको उक्त कदमविरुद्ध राजनीतिक र कानुनी उपचारका लागि लडाइँ जारी रहने चेतावनी दिएका छन् ।

“निर्वाचन आयोग जस्तो संवैधानिक निकाय पूर्वाग्रहरहीत भइ निष्पक्ष र तटस्थ ढंगबाट निर्णय गर्नुपर्नेमा एकपक्षीय हीत अनुरुप निर्वाचन आयोगले गरेको उक्त निर्णय मान्य हुन सक्दौ र यसले निर्वाचन आयोगको तटस्थता र निष्पक्षतामाथि नै गम्भीर शंका उत्पन्न भएको छ ,” यादवद्वारा जारी विज्ञप्तिमा भनिएको छ,“निर्वाचन आयोगले गरेका उपरोक्त काम कारबाहीविरुद्ध राजनीतिक र कानुनी उपचारका लागि लडाइँ जारी रहनेसमेत जानकारी गराउँदछौँ ।”

आयोगले मागेबमोजिम सम्पूर्ण कागजात एवम् प्रमाणहरुसमेत बुझाइ पार्टीको दल दर्ता किताबबाट अद्यावधिक गर्नका लागि पठाएकोमा त्यसलाई अस्वीकार गरिएको भन्दै आपत्ति जनाएका छन् ।

प्रतिक्रिया दिनुहोस्

%d bloggers like this: