आइजीपी क्षेत्रीकोभन्दा एआईजी पालको नम्बर बढी ! डीआइजीमा लामा उत्कृष्ठ « Nagarik Khabar

आइजीपी क्षेत्रीकोभन्दा एआईजी पालको नम्बर बढी ! डीआइजीमा लामा उत्कृष्ठ



काठमाडौं । नेपाल प्रहरीले प्रहरी महानिरीक्षक (आईजीपी)देखि विभिन्न तह र संरचनाको कार्यसम्पादन मूल्यांकन नतिजा सार्वजनिक गरेको छ ।

सार्वजनिक नतिजा अनुसार, प्रहरी महानिरीक्षक शैलेश थापा क्षेत्रीकोभन्दा एआइजी हरिबहादुर पालले बढी प्रतिशत प्राप्त गरेका छन् ।

प्रधान कार्यालयले प्रहरी महानिरीक्षक एआईजीदेखि प्रहरी नायब महानिरीक्षक (डिआईजी) सम्मको नम्बर सार्वजनिक गरेको हो ।

आईजीक्षेत्रीले गृहसचिव महेश्वर न्यौपानेसँग कार्यसम्पादन सम्झौता गरेका थिए । उनले एक सय पूर्णाङ्कमा ९०.५ नम्बर प्राप्त गरेका छन् । त्यस्तै एआईजीहरुमध्ये हरि पाल उत्कृष्ट भएका छन् ।

उनको नेतृत्वमा महानगरीय प्रहरी कार्यालयले ९५.८९ प्रतिशत ल्याएको छ । मानव स्रोत तथा प्रशासन विभागका एआइजी निरज बहादुर शाहीले ६७. ११, कार्य तथा अपराध अनुसन्धानका विश्वराज पोखरेलले ६६.५२, राष्ट्रिय प्रहरी प्रशिक्षण प्रतिष्ठानका एआइजी प्रद्युम्न कार्कीले ६६.७९ तथा प्रहरी अस्पतालकी डा. आशा सिंहले ७९.१७ नम्बर प्राप्त गरेका छन् ।

सात प्रदेशमध्ये बाग्मती प्रदेशका डिआईजी उत्कृष्ट भएका छन् ।

बागमतीका तत्कालिन डिआईजी बसन्त लामाले ९७.०३ नम्बर प्राप्त गरे । हालै उनको प्रहरी महानिरीक्षकको सचिवालयमा सरुवा भएको छ ।

त्यस्तै दोस्रोमा लुम्बिनी प्रदेश, तेस्रोमा गण्डकी, चौथोमा प्रदेश नम्बर १, पाँचौमा प्रदेश नम्बर २, छैठौंमा सुदुरपश्चिम तथा सातौंमा कर्णाली प्रदेशका डिआईजी भएका छन् ।

लुम्बिनीले ९६.५६, गण्डकीले ९६.०३, प्रदेश नम्बर १ ले ९५.९०, प्रदेश नम्बर २ ले ९५.७४, सुदुरपश्चिम प्रदेशले ९५.२१ र कर्णाली प्रदेशले ९४.९६ नम्बर ल्याएको छ ।

त्यस्तै दोस्रो हुने लुम्बिनीमा डिआइजी रवीन्द्र धानकु, तेस्रो हुने गण्डकीमा घनश्याम अर्याल, चौथो हुने प्रदेश नम्बर १ मा ईश्वरबाबु कार्की, पाँचौ हुने प्रदेश नम्बर २ मा धीरजप्रताप सिंह, छैठौं हुने सुदुरपश्चिममा उत्तम सुवेदी तथा सातौं हुने कर्णालीमा बसन्त पन्त हुनुहुन्छ । सबै इन्चार्जहरुसँग कार्यसम्पादन मूल्याङकन सम्झौता भइसकेको छ। तर, उत्कृष्ट हुनेहरुलाई पुरस्कृत भने गरिएको छैन।

प्रतिक्रिया दिनुहोस्

%d bloggers like this: