उपेन्द्र यादवले भने- ‘मधेशको नेता भन्ने महन्थ ठाकुर प्रतिगमनको मतियार’ « Nagarik Khabar

उपेन्द्र यादवले भने- ‘मधेशको नेता भन्ने महन्थ ठाकुर प्रतिगमनको मतियार’



काठमाडौं । जनता समाजवादी पार्टी (जसपा)का अध्यक्ष उपेन्द्र यादवले महन्थ ठाकुर प्रतिगमनको मतियार बनेको आरोप लगाएका छन् ।

जसपाले आइतबार भैरहवामा गरेको प्रदेशस्तरीय अभिमुखीकरण कार्यक्रमलाई सम्बोधन गर्दै यादवले महन्थ ठाकुर समूह संसद विघटन गर्ने केपी शर्मा ओलीको मतियार बनेको बताएका हुन् ।

दुई पटक संसद विघटन गरेर ओलीले एकै व्यक्तिलाई दुईपटक मृत्युदण्डको सजाय दिएको उनले बताए । ‘त्रुटिपूर्ण र विभेदकारी संविधान संशोधन गर्नुपर्छ । सात प्रदेशको संरचना बदल्नुपर्छ,’ उनले भने ।

राज्य पुनर्संरचना सच्याउन आवश्यक रहेको भन्दै उनले तराई र पहाडका जिल्लालाई मिसाएर प्रदेश बनाइएकाले नै समस्या भएको बताए ।

उनले भने, ‘पहाडका साथीहरुले बोल्दा मधेसका साथीहरुलाई भाषण बुझ्न गाह्रो हुन्छ, यो राज्य पुनर्संरचना गलत हुँदा भएको हो ।’

अध्यक्ष यादवले निर्वाचन प्रणाली खर्चिलो भएका कारण किसान मजदूरले निर्वाचन लड्न नसकेकाले समानुपातिक निर्वाचन प्रणाली आवश्यक रहेको उनले बताए ।

प्रतिक्रिया दिनुहोस्

%d bloggers like this: