द गुरुङ (तमु) सोसाइटीको अध्यक्षमा तोरण गुरुङ « Nagarik Khabar

द गुरुङ (तमु) सोसाइटीको अध्यक्षमा तोरण गुरुङ




काठमाडाैं । द गुरुङ (तमु) सोसाइटी इंक को अध्यक्षमा तोरण गुरुङ निर्विरोध निर्वाचित भएको छ । सोसाइटीको आज भएको सधारण सभा तथा अधिवेसनले तोरण सहित १५ सदस्यीय नयाँ कार्य समिति चयन गरेको हो । यस्तै, महासचिवमा अलिशा गुरुङ, उपाध्यक्षमा शान्ति गुरुङ, कोषाध्यक्षमा ओम गुरुङ, सहविचवमा ओम विक्की गुरुङ, सहकोषाध्यक्षमा अन्जित गुरुङ निर्विरोध निर्वाचित भएका छन् । नवनिर्वाचित अध्यक्ष तोरण गुरुङले अमेरिकामा रहेको सबै गुरुङहरुलाई एउटै मञ्चमा ल्याउनको समाजका सल्लाहकारहरुसँग सल्लाह गरेर सहकार्यको लागि प्रयास गर्ने बताए ।

गुरुङ समाज एकताको लागि आफुले पहल गर्ने उनको भनाइ छ । गुरुङहरुको आफ्नै भवन निर्माणको लागि विभिन्न उपाय खोजेर पहल गर्ने बताए । युवाहरुलाई सकृय बनाएर अघि बढाउने प्रतिवद्धता व्यक्त गर्दै अध्यक्ष गुरुङले युवा वर्गलाई नेतृत्व तहमा ल्याउनको लागि पहल गर्नेमा जोड दिए । गुरुङ आमा समूहसँग सहकार्य गरेर कसरी समाजलाई बलियो बनाउन सकिन्छ भन्ने बारेमा आमा समूहसँग सहकार्य गरी अघि बढ्ने उनको भनाइ छ । समाजले नयाँ नेतृत्व चयनका लागि गौतम गुरुङको संयोजकत्वमा ४ सदस्यीय निर्वाचन कमिटी बनाइ निर्वाचन सम्पन्न गर्ने जिम्मेवारी दिएको थियो । निर्वाचन समिति सदस्यहरुमा संस्थापक अध्यक्ष तुलसी गुरुङ, हर्कजंग गुरुङ, डा. रस कुमारी गुरुङ संलग्न थिए ।

निर्वाचन समितिका शान्ति, अलिशा, ओम र तोरण, अन्जित यस अघिको कार्यकालमा समेत विभिन्न पदमा कार्यरत थिए । त्यस्तै बोर्ड सदस्यहरुमा बसुन्धरा गुरुङ, भक्त गुरुङ, लिला गुरुङ, योगेन्द्र गुरुङ, अशोक गुरुङ, बबि गुरुङ ज्ञान गुरुङ, हेमा गुरुङ, विजय गुरुङ निर्विरोध चयन भएका छन् । नवनिर्वाचित समितिका सदस्यहरुलाई निर्वाचन समिति संयोजक गौतम गुरुङले पद तथा गापनियताको सपथ गराएका थिए । दुइ सत्रमा सञ्चालित कार्यक्रममा पहिलो चरणमा समाजले गएको २ बर्षमा गरेका कार्यक्रमको कार्यप्रगति विवरण तथा आर्थिक प्रतिवेदन प्रस्तुत गरिएको थियो । साथै कार्यक्रममा गुरुङ युवाहरुले खेलकुदको मार्फत विभिन्न खेल प्रतियोगितामा सहभागिता जनाउनुका सार्थ विभिन्न पूरस्कार प्राप्त गरेकोमा युवा खेलाडीहरुलाई प्रशंसापज्ञ प्रदान गरी सम्मान गरेको थियो ।

सोसाइटीका निवर्तमान अध्यक्ष विजय गुरुङले आफ्नो कार्यकाल सफल बनाउनको लागि सहयोग गर्ने सम्पूण बोर्ड सदस्यहरु, सल्लाहकारहरु, आमा समुह, युवा समुह लगाउत सम्पूण सहयोगीहरुलाई धन्यवाद व्यक्त गरे । आफु बाहिर रहे पनि सोसाइटीको लागि आफु सधै समाजको साथमा रहने प्रतिवद्धता व्यत्त, गरे । गुरुङ (तमु) सोसाइटी इंक, न्यूयोर्कको स्थापना सन् १९९९ सालमा भए पनि औपचारिक रुपमा जुन ३१, २००१ मा विधिवत रुसमा सञ्चालनमा छ । नयाँ कायसमितिको कार्यकाल २ बर्षको रहने छ ।

प्रतिक्रिया दिनुहोस्

%d bloggers like this: