उत्तर कोरियाः अमेरिकी शत्रुतापूर्ण नीतिविरुद्ध अजेय सेनाको अवधारणा « Nagarik Khabar

उत्तर कोरियाः अमेरिकी शत्रुतापूर्ण नीतिविरुद्ध अजेय सेनाको अवधारणा



एजेन्सी । उत्तर कोरियाली सर्वोच्च नेता किम जोङ उनले अमेरिकी शत्रुतापूर्ण नीतिविरुद्ध अजेय सेना विकास गर्न लागिएको बताएका छन् । तर, यस्तो सेना हतियार विकासभन्दा पनि आफ्नो देशको सुरक्षामा केन्द्रीत हुने उनले बताएका छन् ।

‘हामी कुनै देशसँग युद्ध गर्दैनौं, बरु युद्ध रोक्न र राष्ट्रिय सार्वभौमसत्ता जोगाउनका लागि काम गरिरहेका छौं,’ उनले भने ।

मंगलबार राजधानी प्योङयाङमा आयोजित आत्मसुरक्षा सम्बन्धी २०२१ सैन्य प्रदर्शनीमा किमले अजेय सेना निर्माण गर्ने घोषणा गरेका थिए ।

यसअघि उत्तरले आवाजभन्दा पनि चाँडो पुग्ने हाईपरसेनिक र शत्रुको विमान झार्न सक्ने क्षेप्यास्त्र विकास गरेको जनाएको थियो । उत्तरको हतियार तथा सैन्य विकासले छिमेकी दक्षिण कोरिया र जापानले आपत्ति जनाएका थिए ।

छिमेकी मुलुकसँग उत्तरले युद्ध नगर्ने उनले बताए । तर, उनले अमेरिकाको भने चर्को आलोचना गरे । अमेरिकाले प्योङयाङसँग वार्ता गर्नका लागि आफूमाथि लगाएको प्रतिबन्ध हटाउनुपर्ने उनको भनाइ रहेको बिबिसीले जनाएको छ ।

प्रतिक्रिया दिनुहोस्

%d bloggers like this: