चलचित्र निर्देशक रेनाशा बान्तवा कांग्रेस महाधिवेशन प्रतिनिधिमा पराजित « Nagarik Khabar

चलचित्र निर्देशक रेनाशा बान्तवा कांग्रेस महाधिवेशन प्रतिनिधिमा पराजित



इलाम । निर्देशक तथा चर्चित कोरियोग्राफर रेनाशा बान्तवा कांग्रेसको महाधिवेशन प्रतिनिधिमा पराजित भएकी छन् । इलाम क्षेत्र नम्बर २ बाट महाधिवेशन प्रतिनिधिको चुनाव भिडेकी रिनाशा महाधिवेशन प्रतिनिधिमा पराजित भएकी हुन् ।

रेनाशाले आदिवासी जनजाति महिला कोटामा महाधिवेशन प्रतिनिधिका लागि उम्मेदवा्री दर्ता गराएकी थिइन् । तीन जना महाधिवेशन प्रतिनिधि चयन हुने आदिवासी जनजाति महिला कोटामा पाँच जनाको उम्मेदवारी परेको थियो ।

रेनाशाले पाँचौँ मत पाइन् । यो कोटाबाट चन्द्रमाया लिम्बू (६८३), बबिता लिङ्म (५१४) र जुनुकुमारी माखिम (४५५) मत पाएर केन्द्रीय महाधिवेशन प्रतिनिधि चुनिए । महाधिवेशन प्रतिनिको दौडमा चौथो भएकी सरिता श्रेष्ठले (४२२) र पाँचौ भएकी रेनाशाले (३४३) मत पाए ।

इलामको चुलाचुली पुर्ख्यौली घर भएकी रेनाशा केही समयअघि मात्रै इलाम आएकी थिइन् । रेनाशा ‘इन्टुमिन्टु लन्डनमा’ चलचित्रकी निर्देशक हुन् । उनले सयौ गीतमा कोरियाग्राफर गरेकी छन् । १५ वर्षदेखि निरन्तर कलाकारिता क्षेत्रमा क्रियाशील उनी आफ्नो क्षेत्रमा स्थापित छिन् ।

प्रतिक्रिया दिनुहोस्

%d bloggers like this: