भाजपा नेता गौतम गम्भीरलाई हत्याको धम्की « Nagarik Khabar

भाजपा नेता गौतम गम्भीरलाई हत्याको धम्की



एजेन्सी । आइएसआइ कश्मीरले भारतीय जनता पार्टी (भाजपा) का नेता गौतम गम्भीरलाई हत्या गर्ने धम्की दिएको छ । पूर्वक्रिकेटरसमेत रहेका गौतमलाई कश्मीरमा सशस्त्र द्वन्द्व मच्चाइरहेका आइएसआइका लडाकुले हत्या गर्ने धम्की दिएको सुरक्षा अधिकारीहरुले पुष्टि गरेका छन् ।

गौतमलाई सो समूहले मंगलबार राती एउटा इमेल पठाएर परिवार र उनलाई हत्या गर्ने चेतावनी दिएको थियो ।

धम्कीपछि उनले त्यसबारे सुरक्षाकर्मीलाई जानाकारी गराएका थिए । प्रहरीले उनको नयाँ दिल्लीस्थित निवासमा सुरक्षा सर्तकता कडा पारिएको छ । ४० वर्षीय गौतम भाजपाका केन्द्रीय सदस्य हुन् । उनी सन् २०१९ मा सम्पन्न लोक सभा निर्वाचनमा भाजपाका तर्फबाट निर्वाचित भएका थिए ।

राष्ट्रवादीको छवि बनाएका गौतम कश्मीरको अतिवादी गतिविधिको प्रखर आलोचक हुन् । दिल्ली प्रहरीका उपकमिसनर श्वेता चौहानले भनिन्, ‘गौतमाथि अतिवादीले दिएको धम्कीबारे हामीले अनुसन्धान गरिरहेका छौं । उनको निवासमा सुरक्षकर्मी परिचालन गरेका छौं ।’ द ईण्डियन एक्स्प्रेस

प्रतिक्रिया दिनुहोस्

%d bloggers like this: