मेलम्चीको खानेपानी उपत्यकामा पठाउने कार्ययोजना कार्यान्वयन गर्न सरकारलाई निर्देशन « Nagarik Khabar

मेलम्चीको खानेपानी उपत्यकामा पठाउने कार्ययोजना कार्यान्वयन गर्न सरकारलाई निर्देशन



काठमाडौं । प्रतिनिधि सभा अन्तरगतको विकास तथा प्रविधि समितिले मेलम्चीको खानेपानी अस्थाइ रुपमा काठमाडौ उपत्यकामा पठाउने कार्ययोजना कार्यान्वयन गर्न सरकारलाई निर्दशन दिएको छ ।

शुक्रबार सिहंदरबारमा बसेको समितिको बैठकले काठमाडौंका विभिन्न स्थानमा खानेपानीको समस्या देखिएकाले समयमै मेलम्चीको पानी उपत्यकामा पठाउने कार्ययोजना तत्काल कार्यान्वयन गर्न निर्देशन दिएको हो । समिति सभापति कल्याणी कुमारी खड्काले विभिन्न स्थानमा खानेपानी आयोजनामा तेस्रो पक्षले पु¥याउने गरेको क्षतिलाई अध्ययन गर्दै क्षतिपूर्ति असुल गर्न निर्देशन समेत दिए ।

उनले देशका विभिन्न भागमा पानीका मुहान सुक्नुका कारणहरुबारे अध्ययन गरेर पानीका मुहान संरक्षण कार्यमा लाग्न आह्वान समेत गरे । सांसद गजेन्द्र महतले मेलम्चीको पानी र सडकको अवस्था उस्तै भएको बताए ।

उनले जुम्ला जिल्लामा कार्यलय प्रमुख उपस्थित भएपनि कार्यालयमा नबस्नुको कारण के हो भन्दै प्रश्न गरे । जुम्लामा धौलीगाड खानेपानी योजना कागजमा मात्रै भएको बताउदै उक्त खानेपानी सञ्चालन नभएको महतले बताए । उनले जहाँ कमिशन आउँछ त्यहाँ मात्रै काम राम्रो हुने गरेको तर्क गरे ।

सांसद रगंमती शाहीले आफ्नो पालिकामा खानेपानीको धारा समेत नबनेको बताउदै बृहत खानेपानीको योजना बनाउँदा कार्यान्वयन नभएको जानकारी दिए । उनले आफ्नो हुम्ला जिल्लामा कर्मचारीनै जान नमान्ने गरेको तर्क गरे । जनताले खानेपानी मागिरहँदा वृहत खानेपानी देखाउने आफू कसरी जनताकोबीच जाने भन्दै प्रश्न समेत गरे ।

समिति बैठकमा खानेपानी मन्त्री उमाकान्त चौधरीले दीर्घकालीन योजना बनाएर मेलम्ची खानेपानी पठान्तरण गर्ने जानकारी दिए । उनले वर्तमान सरकारले चैत्रमसान्त भित्र काठमाडौंमा खानेपानी पु¥याउने लक्ष्य लिएको बताउँदै चैत्रमसान्त भित्र कठिनहरु मोलेर लक्ष्य प्राप्त गर्ने बताए ।

मन्त्री चौधरीले खरिद प्रक्रियामा समस्या भएका कारण समयमै मेलम्चीको पानी आउनेमा शंका भएपनि तोकिएको समयभित्रै काठमाडौंबासीले मेलम्चीको खानेपानी प्रयोग गर्न पाउने जानकारी दिए ।

प्रतिक्रिया दिनुहोस्

%d bloggers like this: